கோலாலம்பூர்: ஆடவருக்கான ஜூனியர் உலகக் கோப்பை ஹாக்கி தொடரில் இந்திய அணி தனது கடைசி லீக் ஆட்டத்தில் 10-1 என்ற கோல் கணக்கில் கனடாவை வீழ்த்தி கால் இறுதி சுற்றுக்கு முன்னேறியது.

கோலாலம்பூரில் நடைபெற்று வரும் இந்தத் தொடரில் ‘சி’ பிரிவில் இடம் பெற்றுள்ள இந்திய அணி தனது முதல் ஆட்டத்தில் 4-2 என்ற கோல் கணக்கில் கொரியாவை வீழ்த்தியது. தொடர்ந்து அடுத்த ஆட்டத்தில் 1-4 என்ற கோல் கணக்கில் ஸ்பெயினிடம் தோல்வி அடைந்தது. இந்நிலையில் நேற்று தனது கடைசி லீக் ஆட்டத்தில் கனடாவுடன் மோதியது இந்திய அணி.

இதில் இந்திய அணி 10-1 என்ற கோல் கணக்கில் வெற்றி பெற்றது. இந்திய அணிசார்பில் ஆதித்யா (8 மற்றும் 43-வது நிமிடங்கள்), ரோஹித் (12, 55-வது நிமிடங்கள்), அமன்தீப் (23, 51-வது நிமிடங்கள்) ஆகியோர் தலா 2 கோல்கள் அடித்தனர்.

விஷ்ணுகாந்த் (42-வது நிமிடம்), ரஜிந்தர் (42-வது நிமிடம்), சவுரப் (51-வது நிமிடம்), உத்தம் (58-வது நிமிடம்) ஆகியோர் தலா ஒரு கோல் அடித்தனர். இந்த வெற்றியின் மூலம் 6 புள்ளிகளுடன் தனது பிரிவில் 2-வது இடம் பிடித்து கால் இறுதி சுற்றுக்கு முன்னேறியது இந்திய அணி.